خذوا مني هالكم عتابا اهداء لكم ولمظايف الحسون وروادها
هلي ماخلفوني لدق الود وثبات
خلفوني لكعد الرجال وثبات
اذا تسأل عن هلي وتثبت
هلي نواف عالدقو طناب
هلي للشاذلي طاحون يسحون
دواهيك لعظم الضد يسحون
هلي مادارو الميدات بصحون
خنادقهم تحفر للعشا
هلي بالمرقب العالي يشبون
ودوم سراج بالظلمة يشبون
هلي ماكادو العطف يشبون
خلوهن حيل لطراد الضحى
هلي يهل المراتب والدواوين
وعلى كلوب العدا بنوا دواوين
اسأل أهل الدار وين أهل الدواوين
غدوا ياحسرتي حدر التراب
هلي شالو بليل وما ساكوني
وخلوني شبيه الماسوك اني
طلبت الماي منم ما اسكوني
يا ويلي من هلي بان الردى
هلي شدو على مرحال واني
سجيم ولا ركالي حال واني
نحبت يوم فرك الولف والني
سهج ولا نقل كبده غثى
هلي شالو وخلوني بدرهم
وخلوني جما الهايم بدرهم
متى تضوي على ليلي بدرهم
وتعزل الظلام من الضوى
اريدك تسرع بحالي يما جود
ترى جمر الغضا بحشاي ماجود
شلون ارجى العبد والرب ماجود
حرفاته على المثلي قراب
على كلبي كثير حساب والهم
يبيدي لسحن الذرنوح والهم
ولا وليد يزيح الغيث والهم
بلجي يصير للعله دوى
هلي شالو بليل وما شاروني
ولعازات الليالي ما شاروني
اني البظيم حالي مشهراني
صبر ماني لجوج اعلى الجرا
اريد ابجي على روحي وناحي
بعيني حليت الدنيا وناحي
صديج المارحم حالي وناحي
شلي بيه يوم هيلات التراب
ويقال :في الشطر الثاني ( أخوي اللي ما نفعني وأنا حي ،،،
ما اريده يوم هيلات التراب )
يالحبيب يا ياب .
وسلامتكم وسلامة صاحب الفكره والبادره الطيبه لاحياء جزء من التراث
أنت غير مسجل في منتديات مضايف أبناء الحسون . للتسجيل الرجاء إضغط هنـا 
إعــلانــات المضايـف
العرض العادي
