امهليني يالدقايق وسعفينـي يـا القريحـه
ودي ارثي شيخنا(ياسين)ورثي من ينيحـه
البكا للمترفات الى علىالفـرش المريحـه
اغتيال الشيخ عاروصمتنا المطبق فضيحه
للقهروالذل طعم ضييق فجـوج الفسيحـه
ياكبارالقوم قوموهمنا مـن هـو يزيحـه
يا عتاولة السياسه والمضا مين الشحيحـه
مابقي الامن يهز الا رض بيديه وضبيحه
كل ما قاله تشوفه يا العواجيـز الكسيحـه
انتكسنا في الحياه بطيحه من بعـد طيحـه
يا المواعيد التعيسه يا المعاليـق الجريحـه
لو قرينا منزل الله والبخاري في صحيحـه
رحمة الله يا زمان التضحيه قبل النصيحه
يا هبوب الريح وينه؟طالبك هبي بريحـه
كان فارسنابطعنه يدفـق الـدم ويسيحـه
عنده السبابه اليمنـي لتـو حيـد وقديحـه
وينكم يا هل الوجيه المستنيـره والفليحـه
شيخنا وشلون يذبح بيننـا مثـل الذبيحـه
هزنا الشيخ المجاهديـوم راح الله يبيحـه
مابقي غير اصغريه ونبرة الحزن وفحيحه
لين راح لوجه ربه يسقي الرايح ضريحـه
كني اشوفه ينادى ننتقـم مـن مستبيحـه
العزا لأمة محمد ما بقي بالصوت صيحـه
ماقرينا ون قرينا بالتواريـخ الصحيحـه
انكشف وجه الحقيقه والرساله جت صريحه