هذه القصيدة لاتحتاج الى مقدمات وهي تعبر عن نفسها
وهي عن حال0 عناد عليوي الكرحوت ومجه الى ابناء عادل وابراهيم وخالد 0والى اقاربه
بعد وفاة زوجته ام عادل رحمه الله 0 ماقصرو فزعو وزوجوه
والحمد لله زاحو الهم عنه 0
أبدى بذكر الله هو خير مـا أبديـت = الخالق الـرازق عزيـز رحومـي
ومن بعد ذكر الله ابديـت ماخفيـت = واشكي لربعي من كثير الهمومـي
ضاقـت عليـة دنيتـي ماتهنيـت = واحترت مدري وش بقايا رسومـي
ضاقت عليه وينكم يأهـل الصيـت = حالي أيتردى يوم من بعـد يومـي
وللي نشد عنـي ترانـي ترديـت = ما غير عظمي ساتراتـه اهدومـي
واليوم ياعيالي صرخت وتعزويـت = يا لا بتي منهـو يقضـي لزومـي
وين أبو مهرب مسندي يومي أبديت = أبديت خافـي مهجتـي للقرومـي
افزع لنا من قبل تقضي التناهيـت = وما دام راسـي بالتفاكيـر يومـي
ثم وين ابو احمد فزعتك لا تناخيت = افزع لنا مادمت اجلـس واقومـي
ولا بد لك من يوم حي وانا ميـت = وتذكر سوالف والـدك والعلومـي
ياخالد ابن عنـاد شفنـي تأذيـت = ابـوك ضيـع مسلكـه واليمومـي
وين العيال اللي عليهـم تشكيـت = وين العيال اللي عليهـم اوسومـي
وين القرايـب كلهـم والكراحيـت =الله واكبـر مابقـالـي لـزومـي
أنت غير مسجل في منتديات مضايف أبناء الحسون . للتسجيل الرجاء إضغط هنـا 
إعــلانــات المضايـف
قصيدة0عناد الكرحوت 
العرض العادي
