قصيدة0الشاعر حميدي وراد الكرحوت الجغيفي
يرثي 0بها ابن عمه خالد عناد الكرحوت رحمه الله
مهما كتبت عن اخي وابن عمي وصديقي ورفيق دربي وهو اقرب شخص الى قلبي
لا اوفيه حقه وقد كتبت هذا الكلمات ولو انها لاتصل الى محبته في قلوبنا
نسأل الله ان يتغمده بواسع رحمته وعظيم مغفرته انه ولي ذلك والقادر عليه
يالله يارحمن ياقابل التوب = يالواحد المعبود في كل حينا
يا الخالق الرازق ويامفرج كروب = انك على كبر المصيبة تعينا
جيت الديار وصابني شبه ناتوب = واهتز بنياني بضيعة حدينا
لا .... ماحسبنا حساب والعمر محسوب = محسوبه ايامه وكل السنينا
تمضي الليالي والقدر شي مكتوب = سبحان رب فوقنا معتلينا
يلي فقدتك يوم الاثنين بغروب = قبل الاخير وحزننا مكتسينا
جيتك ولا صدقت عيني ولا هوب = ماهو بضعف ايمان يا سامعينا
الموت سنه والامل كله ادروب = يا كثر لو نحسب دروب مشينا
خالد ترى قلبي من الحزن مكروب = ضاقت علي فجوجها والمدينا
نهبت عمرك مننا وانت منهوب = من قبل لا تمسي بقبرك دفينا
بين غلاك اللي عن الناس محجوب = وش فايده عقب الفنا لو بكينا
كنت اتمنى جلستك وانت محبوب = محد كره قربك ولا .. لك وزينا
انت الذي بالطيب مبني ومصبوب = يا قو بنيانك وبذل اليمينا
ياخوي من غيرك وعن وصلك ينوب = ومن غيركم يذكر ويسأل علينا
تبكي عيوني من العنا واذكر اذنوب = ذنبي تركتك والسنين تهجينا
وش فايده يادمع ماتنفع بنوب = مادام خالد راح لا تبتلينا
يارب يارحمن ياخير مهيوب = تغفر ذنوبه يالولي وتهدينا
الريــاض 04/04/2010م
الحميدي وراد عليوي الكرحوت
أنت غير مسجل في منتديات مضايف أبناء الحسون . للتسجيل الرجاء إضغط هنـا 
إعــلانــات المضايـف
قصيدة0رثاء خالد الكرحوت رحمه الله 
العرض العادي
